Sa kohë duhet që të jetë gati?
Varet nga lloji i tregimit dhe nga gjatësia e historisë. Pasi ta lexojmë, ju shkruajmë me afatin e saktë përpara se të fillojmë punën.
Çfarë fotosh duhet të dërgoj?
Foto të qarta ku fytyrat shihen mirë, mundësisht nga afër dhe me dritë natyrale. Disa foto për çdo person ndihmojnë që personazhet t'ju ngjajnë më shumë. Pranojmë JPG, PNG dhe WebP.
Kush i sheh fotot dhe historinë time?
Vetëm ekipi i Gjurmës që punon me porosinë tuaj. Fotot ruhen në një hapësirë private dhe nuk publikohen kurrë pa lejen tuaj të veçantë.
A mund ta ndryshoj historinë pasi e kam dërguar?
Po. Deri sa të bëni porosinë, mund ta hapni nga shporta dhe ta ndryshoni sa herë të doni. Pas porosisë, na shkruani dhe e rregullojmë bashkë.
Si paguaj?
Për dhuratat fizike paguani me para në dorë kur ju vjen porosia. Për tregimet e animuara, që dorëzohen si skedar video, ju kontaktojmë pas konfirmimit për mënyrën e pagesës.
Si e marr videon?
Ju dërgojmë një lidhje private për ta shkarkuar në cilësi të lartë. Mund ta shikoni në telefon, kompjuter ose televizor.
Po nëse historia është për dikë që nuk jeton më?
Edhe këto histori kanë vendin e tyre këtu. Na tregoni çfarë doni të ruhet dhe ne punojmë me kujdes dhe respekt.
A punoni me klientë jashtë Shqipërisë?
Tregimet e animuara janë dixhitale, prandaj mund t'i porosisni nga kudo. Dhuratat fizike për momentin i dërgojmë vetëm brenda Shqipërisë.